ILOILO CITY– May yara na sang exit plan ang Iloilo City Government tuhoy sa amat-amat nga pagdula sang Enhanced Community Quarantine sa syudad sang Iloilo.
Sa interview sang Bombo Radyo kay Treñas, iya ginpahayag nga ang exit plan ang iya na nga ginpadala sa nagkalain-lain nga sektor para sa rekomendasyon.
Suno kay Treñas, una nga naghatag sang rekomendasyon amo ang chairman sang Civil Service Commission.
Ginpahayag ni Treñas nga pila sa ginalantaw nga mga lihok nga patigayunon amo ang amat-amat nga pagbalik sang transportasyon, posible man nga mapasugtan ang lubong, kasal kag bunyag samtang ang pagbalik sang klase kag sang religous activities ang indi pa pagpahanugutan.
Padayunon ang physical distancing, paggamit sang facemask kag iban pa nga pagsulundan agud matapna ang paglapta sang Coronavirus Disease 2019 (COVID-19).
