Gin-athag sang Department of Education nga ang pagbalik sang klase sa Agosto ang wala nagakahulugan nga kinahanglan man nga magbalik sang mga estudyante kag manunudlo sa eskwelahan adlaw-adlaw.
Ini kasunod man sa gihapon sang epekto sang Coronavirus pandemic sa pagbalik eskwela sang mga estudyante kag manunudlo.
Suno kay Department of Education Undersecretary Annalyn Sevilla, may yara na sang plano ang ila ahensya sa pagpatigayunon sang distance learning sa formal education scheme humalin sang ginpatuman ang lockdown sang Marso.
Sa pagpa-athag ni Sevilla, indi sa gihapon matugutan ang nakaandan nga sistema sang pagpatigayon sang klase partikular na ang face-to-face interaction ilabi pa subong nga wala pa sang nadiskubre nga bulong batok sa COVID-19.
Dugang sang natungdan, indi limitado ang distance learning sa mga online platform bangud mahimo man nga mapadulungan sang mga manunudlo ang ila mga estudyante sa ila tagsa ka mga panimalay.
Samtang ang mga manunudlo naman nga naga edad 60-anyos pataas nga madasig matapikan sang COVID-19 amo ang magahitso sang modules para sa distance learning.
