Gindesignar ni Pope Francis si anay Manila Archbishop Luis Antonio Cardinal Tagle bilang Cardinal-Bishop nga pinakamataas nga posisyon sa mga cardinals sa simbahang katolika.
Nahibaluan nga sang gintalikdan nga bulan sang Pebrero, una na nga gindesignar sang Santo Papa si Tagle sa Vatican sa Congregation for the Evangelization of Peoples.
Ini ang kaangay sang iya posisyon bilang cabinet secretary to the Roman Pontiff.
Ang bag-o nga posisyon subong ni Tagle ang ginakabig nga ‘highest order in the College of Cardinals’ kag ini man ang pinakamataas nga posisyon nga nalab-ot sang isa ka Filipino cardinal sa Vatican.
Madumduman nga una na nga nangin arsobispo si Tagle sa Manila Archdiocese humalin sang 2011 tubtob 2019.
