ILOILO CITY – Maayo nga balita para sa mga pumuluyo sang Zarraga, Iloilo ang pagnegatibo sang mga naka close contact sang personnel sang Bureau of Jail Management and Penology nga nagpositibo sa Coronavirus Disease 2019.
Sa interview sang Bombo Radyo kay Zarraga Mayor John Tarrosa, iya ginpahayag nga matapos makuhaan sang swab test ang lima ka kapamilya sang nagpositibo nga personnel, nag negatibo ang ila nga resulta.
Suno kay Tarrosa, gina hulat nalang nga matapos ang 14 ka adlaw nga quarantine sang pamilya sang nagpositibo.
Dugang sang natungdan, pagkatapos sang 14 ka adlaw nga quarantine ila pa nga i-evaluate ang resulta base sa pagsulundan sang Department of Health kun mahimo na nga makapauli sila sa ila tagsa ka mga panimalay.
Gin-athag naman sang alkalde nga humalin subong nga adlaw ipaidalom na sa enhanced community quarantine ang Hacienda Fe, Phase 1-A,Brgy. Sambag, Zarraga, Iloilo sa diin nagikan ang nagpositibo ang nagpositibo nga pasyente matapos nga ginpaidalom ini sa lockdown.
