ILOILO CITY – Ginpaidalom na sa home quarantine ang duha ka mga kabataan lakip man ang ila pamilya sa Brgy. San Juan, Molo, Iloilo City nga ginapahayag nagpadulong sa Sto. Niño Sur, Arevalo, Iloilo City antes ini ginpaidalom sa lockdown.
Sa interview sang Bombo Radyo kay San Juan Punong Barangay Pascual Espinosa, iya ginpahayag nga posible nga nangalihid sa baybay ang mga kabataan bangud nakapaidalom na sa lockdown ang Sto. Niño Sur, Arevalo sang nagpauli sila.
Suno kay Espinosa, may yara man sang doctor nga naga tsekyar sang ila temperatura kada oras kag sa subong wala pa sang nakitaan sang simtomas sang COVID-19.
Sa subong, mas ginhugtan na sang mga opisyal sang San Juan, Molo ang pagbantay sa ila barangay agud masiguro nga indi makasulod ang COVID-19 sa ila nga lugar.
