SPAIN– Gin-anunsyo ni Spanish Prime Minister Pedro Sanchez nga mahimo na magpadayon ang La Liga apang sarado ini para sa publiko.
Suno kay Sanchez, magluwas sa La Liga, igabalik man ang iban pa nga recreational activities sa Spain.
Ginpahayag man ni Sanchez nga magapadayon ang hampang sang La Liga sa Hunyo 8 samtang, ginkalipay naman ni La Liga President Janier Tebas ang desisyon ni Sanchez.
Apisar sang pagbalik sang hampang, mapadayon sa gihapon ang pagpatuman sang health protocol.
Nahibaluan nga sang Marso 12 pa nagsugod ang pagsuspinde sang football games sa Spain bangod sa Coronavirus Disease 2019 (COVID-19).
(Photo from Web)
