ILOILO – Ginabanta sa 25,000 ka mga empleyado ang apektado sang nagapadayon nga Coronavirus Disease 2019 pandemic sa Western Visayas.
Sa interview sang Bombo Radyo kay Department of Tourism Region 6 Director Atty. Helen Catalbas, iya ginpahayag nga sa nasambit nga numero lunsay lang ini empleyado sang accredited establishments sang ila talatapan kag wala pa nalakip ang indi accredited.
Suno kay Catalbas, sa subong ginatan-aw nila kun mahimo nga masaylo sa iban nga sector ang mga empleyado sang tourism sector.
Ini agud mahagan-hagan ang epekto sang pandemic sa mga empleyado indi lang sa sektor sang turismo kundi sa tanan nga industriya.
