ILOILO CITY– Gina-engganyo sang Simbahang Katolika ang mga tumuluo nga magpabutyag sang ila sentimento, may kaangtanan sa ginaduso nga crucifix bill sa kongreso lakip na ang anti-terrorism bill.
Sa interview sang Bombo Radyo kay Msgr. Meliton Oso, Director, Jaro Archdiocesan Social Action Center, iya ginpahayag nga dapat sundon sang mga tumuluo ang propeta nga si Jeremiah nga magpahayag sang ila kabubut-on.
Suno kay Oso, indi dapat nga maghipos lang ang mga Kristyano sa ginaduso nga hagna bangud dako ang mangin epekto sini sa Kristyanong katilingban.
Kun maghipos lang ang mga tumuluo, liwat naman nga malapakan ang kinamatarung sang mga pumuluyo nga magpahayag sang ila pagtuo, kag pagsimba sa Ginoo.
Nagahingyo naman ini nga kuntani indi matabo ukon suliton sang mga Pilipino ang natabo sa Estados Unidos sa diin naghipos lang ang mga tumuluo sang ginlimitahan ang pagbasa sang bibliya sa mga eskwelahan.
Dapat suno sa natungdan nga tindugan sang mga pumuluyo ang ila kinamatarung para sa religious expression.
Nahibaluan nga santo sa crucifix bill, mangin optional nalang ang pagpahamtang sang krus sa mga kwarto sang hospital.
