ILOILO CITY – Nagpositibo sa Coronavirus disease 2019 (Covid-19) ang anom ka mga doctor sa St. Paul’s Hospital of Iloilo Incorporated.
Suno kay Iloilo City Mayor Jerry Treñas, nakig-angot na siya sa pamunuan sang nasambit nga ospital kaupod ang Regional Inter-agency Task Force agud mapadasig ang contact tracing sa mga naka-upod sang nasambit nga mga doktor.
Sa ginpagwa naman nga pahayag sang ospital, ginapasigurado nila ng ginasunod ang mga protocol agud malikawan ang paglaton sang virus.
Samtang, sa exclusive interview sang Bombo Radyo Iloilo kay Police Major Francisco Paguia, hepe ng Iloilo City Police Station 1, iya ginpahayag nga gilayon sila nga nag deploy sang mga pulis sa nasambit nga ospital matapos gin lockdown.
Nahibaluan nga nagdangat na sa 274 ang kaso sang Covid-19 sa Western Visayas matapos nadugangan sang 26 subong nga adlaw sa diin 6 sa mga ini ang doktor.
