ILOILO CITY – Ginapamulta sang Iloilo City Council ang AC Energy Corporation bangud sa nagluntad nga oil spill sa Iloilo Strait matapos naglupok ang power barge sa Bo. Obrero, Lapuz Iloilo City.
Sa exclusive interview sang Bombo Radyo kay Iloilo City Councilor Ely Estante, chairman sang Committee on Environment sa Sangguniang Panlunsod, iya ginpahayag nga dako ang halit nga natuga sang oil spill sa palangabuhian sang mga pumuluyo ilabi na ang mga naga istar sa coastal areas.
Suno kay Estante, ginduso niya sa konseho ang paghatag sang compensation sa mga apektado nga pumuluyo.
Magluwas sini, ginapadasig man sang konsehal ang pagtinlo sa mga coastal areas.
Apang ginpahanumdom ni Estante sa mga pumuluyo nga gin hire sang nasambit nga kumpaniya nga magkuha sang nagtagas nga asayte nga indi pag-ibutang sa alang-alang ang ila ikaayong lawas rason nga dapat nga magsuksok ang mga ini sang protective equipment.
