‘Balik-awot kag iligal’ ang Revolutionary Government nga ginaduso sang mga supporters ni Presidente Rodrigo Duterte.
Sa interview sang Bombo Radyo kay Atty. Leo Superio, isa ka Bombo Abogado, iya ginpahayag nga wala sang legal, factual, practical, ukon moral basis ang amo nga lihok sang pro-Duterte Group nga People’s National Coalition for Revolutionary Government and Charter Change.
Matandaan nga sang Sabado, Agosto 22, nagtipon sa Clark Freeport sa Pampanga ang amo nga grupo agud magpresentar sang resolution nga ginapahayag gin-aprubahan sang 300 ka mga supporters lakip na ang nagpasakop online.
Sa resolution, nakasaad nga gina-engganyo sang grupo ang mga Filipino nga mag-establisar sang revolutionary government “for a period not exceeding June 30, 2020” kag amo man ang pag-adopt sang bag-o nga Konstitusyon.
Ini nga akto ang ginbali naman ni Atty. Superio nga nagpahayag nga wala sang pagbag-o nga matuga ang anuman nga sistema ukon porma sang gobyerno ilabi na kun amo man sa gihapon nga mga tawo ang nagapungko sa posisyon.
“There is no such thing as a good form of government. Ang porma ya sang gobyerno, depende ina sa gapadalagan. Ngaa piliton pa gid na nila? Daw gaapelar man lang na sila pero indi man salapakon ang mga tawo nga ini. Kay gusto nila magbag-o ang Pilipinas, madula ang korapsyon, te islan nila ang porma sang gobyerno. Te indi ko ya makita ang rationale dira. Ngaa kun islan mo ang porma sang gobyerno, ang mga politiko dira, mailis man na sila apelyido?,” pahayag ni Atty. Superio.
Indi pa gid salapakon ini nga grupo suno kay Atty. Superio bangud maathag nga ang ila tuyo amo nga palawigon lang sa pwesto ang ila naluyagan nga politiko.
Nahibaluan nga una naman nga nagdepensa ang Malacañang nga nagatutok subong ang Duterte Administration sa COVID-19 response.
“The focus of the administration is addressing COVID-19 and mitigating its socioeconomic impact. The most pressing and most urgent concern, which requires the Executive’s full attention, is the gradual opening of the economy while safeguarding the people who are working/going back to work amid the pandemic,” pahayag ni Presidential Spokesperson Atty. Harry Roque.
