ILOILO CITY – Nagtaliwan na si Punong Barangay Myrna Espinosa sang Brgy. Infante Molo, Iloilo City.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga nakitaan sang sintomas sang Coronavirus disease 2019 (COVID-19) si Espinosa.
Suno kay Treñas, ginpaidalom sa Reverse transcription polymerase chain reaction (RT-PCR) test si Espinosa apang wala pa nakagwa ang resulta sini.
Ginpahayag sang alkalde nga duha ka semana na nga nagabatyag sang flu like symptoms ang punong barangay.
Nagapatigayon naman sang contact tracing ang COVID Team sang Iloilo City Government.
Gin-athag naman ni Treñas nga wala gin lockdown ang Brgy. Infante Molo, Iloilo City.
Natalana naman nga ipaidalom sa RT-CPR test ang mga punong barangay sa syudad kasunod sang pagpositibo sa COVID-19 ni Punong Barangay Jonathan Altura sang South Fundidor, Molo Iloilo City sa diin nagapabilin siya sa Jaro National High School.
Nahibaluan nga si Punong Barangay Ising Villanueva sang South San Jose Molo Iloilo City ang na ospital naman matapos magbatyag man sang flu like symptoms
