Sa nagakatabo nga pandemya, may madamo kita nga kahigayunan agud kita makatinir sa aton mga puluy-an.
Ikaw bala maluyagon sa pag-organize sang mga gamit kag mapisan sa mga ulubrahon sa sulod sang balay?
Huo dapat ang sabat mo dira, bangud nakahibalo ka bala nga sa paghimo sang ulubrahon sa sulod sang panimalay ang nagapalawig sang imo nga kabuhi?
Suno kay Scott Lear, PhD., isa ka professor kag researcher sa British Columbia, ang pag-obra sang household chores ang epektibo sa ikaayong lawas nga nagapalikaw sa heart disease kag nagapalawig sang kabuhi.
Ginpahayag ni Lear nga parehos lang ang makuha nga health benefits sang pumuluyo nga nagakadto sa gym, naga-walking kag naga-obra sang ulubrahon sa balay.
Gani sa pagtigana sang isa ka-oras sa pag-obra sang mga ulubrahon sa panimalay sa kada adlaw, naga-alerto ang imo memorya kag nagapagsik ang imo kalawasan nga nagaresulta sang imo healthy figure and mind.
