BER-months na sa karon! nagahilapit na ang paskwa.
Madamo na sang mga paborito naton nga Christmas songs ang masami naton mabatian.
Apang nakahibalo ka bala nga ang pagpamati mo sang Holiday Music ukon Christmas tune, makapamaayo sang imo health?
Suno sa Scripps Affiliated Medical Groups, ang pagpamati sang imo paborito nga Christmas songs may yara sang makalilipay nga neurological effect sa diin ginapapagsik ang aton nga brain’s pleasure circuit nga nagabuya sang dopamine kag serotonin nga responsable sa paghatag sang happy feelings.
Ang pagpamati sang mga Christmas music maka-improve man sang memorya nga nagapalawig sang attention span sang isa ka taho.
Sa masami nga pagpamati sang mga Christmas song nagamayo man ang kondisyon sang imo heart bangud makapanubo ini sang blood pressure, heart rate kag cortisol level nga nagabuhin sang stress kag nagahatag sang positibo nga pana-awan sa kabuhi.
