Nadugangan pa ang numero sang mga napatay sa paglaslas sang bagyo Ulysses.
Suno sa National Disaster Risk Reduction and Management Council, yara na sa 37 ang ginbawian sang kabuhi, 22 ang nagkalapilasan kag 15 ang missing sa lima ka rehiyon nga naapektuhan sang bagyo Ulysses.
Ang numero sang mga persona nga naapektuhan ang nagdangat sa 1,110,910 ukon kapin 185,978 ka pamilya.
Sa sini nga numero 306,340 ka tawo ukon 80, 858 ka pamilya ang nagatinir sa 2,983 evacuation centers.
Samtang, ang halit sa agrikultura ang nagsaka na sa kapin P1 billion lakip na diri ang rehiyon I, II, CALABARZON, V, kag Cordillera Administrative Region.
