ILOILO – Liwat nga magaupdanay ang local goverment unit sang Oton, Dugong Bombo sang Bombo Radyo Philippines, kag Philippine Red Cross Iloilo Chapter sa bloodletting activity nga patigayunon sa Mierkules, Abril 28.
Magaumpisa ang aktibidad ‘las otso sa Puregold Mall sa Poblacion South sa amo nga banwa.
Sa interview sang Bombo Radyo kay anay SB Member Jafet Salinas, focal person for COVID-19 and bloodletting activity sa banwa sang Oton, iya ginpahayag nga 100 ang target nga successful blood donors.
Bangud ginpaiway man subong nga tuig ang Katagman Festival, ginalauman ang suporta sang anay mga warriors, dancers, kag iban pa nga artists para sa amo nga blood donation.
Sundon man ang tanan nga minimum health protocols batok sa COVID-19 sa patigayunon nga aktibidad.
