Nadugangan sang 628 ka panibag-o nga kaso sang COVID-19 ang Western Visayas.
Ini ang pinakamataas nga single-day tally nga narekord sa bug-os nga rehiyon halin sang nag-umpisa ang COVID-19 pandemic.
Sa panibag-o nga mga kaso, 70 ang halin sa Aklan, 19 sa Antique, 63 sa Capiz, 9 sa Guimaras, 116 sa Iloilo Province,138 sa Negros Occidental, 117 sa Bacolod City, kag 96 sa Iloilo City.
Nagsaka na sa 44,974 ang kabug-usan nga COVID-19 cases sa rehiyon; sa sini nga mga kaso, 6,407 ang active cases.
179 naman ang panibag-o nga narekord nga nag-ayo sa balatian rason nga nagdangat na sa 37,450 ang total reported recoveries.
Yara na sa 1,101 ang reported deaths; 14 sa sini ang nagdugang kahapon, Mayo 27.
Kun pahat-pahaton ang mga kaso sa bug-os nga Western Visayas:
Aklan – 2,239
Antique – 1,386
Capiz – 2,581
Guimaras – 502
Iloilo Province – 7,175
Negros Occidental – 14,439
Bacolod City – 9,245
Iloilo City – 7,407
