ILOILO – Ipanagtag na sa labing-madali nga tion ang cash assistance sa mga pumuluyo nga apektado sang enhanced community quarantine (ECQ) apang wala pa sang eksakto nga amount nga ginsugid kun pila ang mabaton sang mga benepisyaryo.

Sa interview sang Bombo Radyo kay Iloilo Governor Arthur Defensor, Jr., iya ginpahayag nga ginahulat pa subong ang update ukon abiso halin sa Department of Social Welfare and Development (DSWD).

Una na nga nagpahayag si Mayor Jerry Treñas nga P4 billion ang pondo halin sa national government kag tungaon sa mga lugar nga naka-ECQ nga amo ang Iloilo Province, Iloilo City, Cagayan de Oro City, kag City of Gingoog sa Misamis Oriental.

National Task Force on Covid-19 chief implementor Carlito Galvez Jr., leads the first distribution of P 8,000 under the government’s social amelioration program to residents of Barangay Vitales, Paranaque City on April 3, 2020, part of the ‘Bayanihan to Heal as One Act’ to provide subsidy to low income families affected by enhanced community quarantine. Photo by Inoue Jaena/Rappler

Suno kay Defensor, kuhaon ang pondo sa Assistance to Individuals in Crisis Situation (AICS), isa sa protective services sang DSWD.

Kun may na-set na nga amount ang DSWD suno kay Defensor, makahimo na ang mga alkalde sang listahan sang mga benepisyaryo.

Ipaagi sa mga banwa kag syudad ang assistance suno kay Defensor.

RELATED ARTICLESMORE FROM AUTHOR