Nagpaandam ang Department of Health (DOH) Region VI sa publiko nga magdoble halong kasunod sang anom ka kumpirmado nga kaso sang COVID-19 Delta variant sa Western Visayas.
Nahibaluan nga sa anom ka kaso, apat diri ang ginalakipan sang:
- 59 anyos nga babaye halin sa Pandan, Antique;
- 30 anyos nga lalaki halin sa Mandurriao, Iloilo City;
- 32 anyos nga babaye halin sa Cabatuan, Iloilo; kag
- 46 anyos nga lalaki, isa ka returning overseas filipino, gin-tag bilang residente sang Barotac Nuevo, Iloilo apang wala nakapauli sa nasambit nga banwa bangud yara ini subong sa Manila
Sa interview sang Bombo Radyo kay Dr. Bea Camille Natalaray, spokesperson sang DOH Region VI, iya ginpahayag nga bangud may yara na sang mas makalalaton nga variant sang virus sa rehiyon, nagakadapat nga mag-aligmat ang tanan kag mangin masinulundon sa minimum public health standard.
Suno kay Natalaray, nagakadapat man nga indi na magduha-duha pa ang tanan sa pagpabakuna batok sa COVID-19 ilabi na ang vulnerable sectors kaangay sang senior citizens kag Persons with comorbidities.
Nagpanugyan man ang natungdan sa mga local government unit (LGU) nga magpatigayon sang granular lockdown sa mga lugar ukon barangay nga nagatimbuok ang kaso sang COVID-19.
Sa subong, ginahulat pa sang DOH Region VI ang resulta sang iban nga specimen nga ginpadala sa Philippine Genome Center.
