Lunsay negatibo sa reverse transcription polymerase chain reaction (RT-PCR) test ang mga natumod nga close contact sang isa ka active COVID-19 Delta variant patient nga residente sang Barangay Housing, Mandurriao, Iloilo City.
Ang lalaki nga 30 anyos nga pasyente ang nagatrabaho sa isa ka kumpaniya sa distrito sang Molo, Iloilo City.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga nagakadapat tapuson sa gihapon sang mga close contacts ang ila nga 14 days quarantine apisar negatibo sila sa virus.
Suno kay Conlu, padayon man nga gina-monitor ang kondisyon sang Delta patient.
Ginpat-od man sang natungdan nga naga-amat-amat na sa pagrecover ang pasyente.
