Atensyon sa mga plantito kag plantita!
Luyag mo man bala makaangkon sang tanom nga maka-survive sang linibo ka-tuig, mas malawig pa sa imo kabuhi?
Ini ang ginatawag nga ‘Welwitschia’, halin sa pangalan sang Austrian botanist nga si Friedrich Welwitsch nga amo ang naka-discover sang tanom sang 1859 sa pungsod Angola.
Ang ginakabig 100-million-year plant fossil ang nagakabuhi sa Namib Desert, pinakatigulang nga disyerto sa nasambit nga pungsod.
Apisar indi man ini ang pinakatahom nga sahi sang tanom sa bilog nga kalibutan, madamo naman sang nagadayaw sa resilience ukon kabakod sang sini nga tanom kag kun paano ini naga-adapt sa environment kag nagakabuhi sa malawig nga tinion.
