Lumos sa utang ang pila ka mga driver sang modernized jeepney sa syudad sang Iloilo nga wala pa gihapon nabayaran sang Land Transportation Franchising and Regulatory Board (LTFRB).
Ini nga mga driver amo ang nagmaneho sang jeep nga nagtanyag sang Libre Sakay sa Iloilo City sa sulod sang duha ka bulan.
Natapos lang ang service contracting program apang wala nakabaton sang sweldo ang kalabanan sa ila.
Sa interview sang Bombo Radyo kay Alyas Jimboy, driver sang modernized jeepney, iya ginpahayag nga nag-untat pa gid sila sa byahe umpisa sang ginpatuman ang enhanced community quarantine (ECQ) sa syudad bangud ‘indi man makabayad ang plete sang pasahero sa gatong sang jeep.’
Subong nga Lunes suno sa natungdan, may magabalik-byahe nga mga units sang jeep apang ginapahayag 10 lang anay ka units kag i-assess pa kun maayo pa ang kita
