Nagapabilin gihapon sa ospital apang ‘recovering’ na ang kondisyon ni Archbishop Jose Romeo Lazo matapos ini nagpositibo sa COVID-19.
Sa interview sang Bombo Radyo kay Father Angelo Colada, director sang Jaro Archdiocesan Commission on Social Communications, iya ginpahayag nga may yara gihapon sang mild nga sintomas nga nakit-an sa 72 anyos nga arsobispo.
Ika-11 na niya nga adlaw nga quarantine kag natalana nga i-subject sa reswabbing.
Fully vaccinated si Lazo batok sa Covid-19.
Suno pa kay Colada, sa 14 ka naka-close contact ni Lazo lakip na ang iya nga kaupod nga mga pari sa Archbishop’s residence, lunsay negatibo ang mga ini sa COVID-19 magluwas lang sa driver sang arsobispo.
Ginpaidalom man sa swab test ang pamilya sang driver kag ginahulat subong ang resulta.
