ILOILO CITY- Gin-lockdown ang Rural Health Unit (RHU) sang Oton, Iloilo matapos nagpositibo sa COVID-19 ang masobra lima ka staff.
Sa interview sang Bombo Radyo kay Mr. Jafet Salinas, spokesperson sang COVID-19 team sang banwa, iya ginpahayag wala pa matumod ang index case apang kalakip sa mga nagpositibo sa virus amo ang nurse, driver, midwife, kag nutritionist.
Suno kay Salinas, nag-umpisa ang lockdown subong nga adlaw, Agusto 18 tubtob sa Agusto 23.
Ginpaidalom naman sa swab test ang masobra 20 ka iban pa nga personnel sang RHU-Oton.
Gindugang naman ni Salinas nga saluon anay sang Municipal Disaster Risk Reduction and Management Office ang ambulatory services sang banwa.
