Igaduso sang Department of Interior and Local Goverment (DILG) sa National Inter-agency Task Force nga ipauntat na ang pag-require sang pagsuksuk sang face shields sa pampubliko nga mga lugar.
Suno kay DILG Undersecretary Jonathan Malaya, si Interior Secretary Eduardo Año mismo ang maga-propose sini sa meeting sang IATF subong nga semana.
“We support na paluwagin na iyong polisiya natin sa paggamit ng face shield… We will recommend to the IATF na dahan-dahan na natin tanggalin iyong face shield as a requirement, except of course, iyong hospital setting,” suno kay Malaya.
Indi makakas ang face shield rule sa mga ospital suno sa natungdan bangud isa ini ka “high risk environment.”
Nahibaluan nga ang Pilipinas lang ang nagaisahanon nga pungsod sa bilog nga kalibutan nga naga-require sang face shields sa tanan nga public areas.
Sang nagligad lang nga Septyembre sang nagmandu si Presidente Rodrigo Duterte nga indi na pag-i-require ang face shields sa open spaces kundi sa crowded, closed kag cause close contact places lamang.
