Temporaryo nga siraduhan sa publiko ang Molo Plaza bangud indi na makontrol ang mga tawo nga nagadugok ilabi na kun gab-i.
Sandig ini sa request sang City Environment and National Resources Office (CENRO) sa Iloilo City Government.
Sa interview sang Bombo Radyo kay Police Captain Shella Mae Sangrines, hepe sang Iloilo City Police Station 1, iya ginpahayag nga bisan may pulis na kag force multipliers, indi gihapon masarangan ang volume sang tawo — bata man ukon tigulang.
Nag-umpisa tipon kag lagaw ang mga tawo sa amo nga plaza halin sang ginbuksan na ang Christmas Lights.
