Nagpapanaug na ang korte sang cyber warrant sa duha ka telecommunication companies agud ma-retrieve ang call logs kag transcript sang text messages sa cellphones ni Claire Diergos.
Matandaan nga sang nasapwan patay si Claire sang nagligad nga Oktubre 26 sa Barangay Inangayan, Sta. Barbara, Iloilo, wala na na-recover sang otoridad ang iya duha ka cellphones.
Sa interview sang Bombo Radyo kay Iloilo Police Provincial Office (IPPO) spokesperson Police Senior Master Sergeant Francisco Lindero, Jr., iya ginpahayag nga dala man sa warrant amo ang pagbukad sa Facebook account ni Claire agud ma-check man ang iya nga messenger kag pati ang deleted messages.
Nahatag na ang warrant sa branch sang telcos diri sa Iloilo apang ginapahayag ipasa ini sa opisina sa Manila.
Wala pa sang commitment halin sa telcos kun ihatag ang ginapangayo sang Special Investigation Team (SIT).
Sa bahin sang narecover nga dash camera kag CCTV footages, wala pa nakapasa ang Regional Anti-cyber Crime Unit (RACU) sang initial findings suno kay Lindero.
