Ginmanduan na ni Iloilo City Police Office (ICPO) director Pol. Col. Leo Batilles ang Arevalo Police Station nga id-idan ang imbestigasyon sa natabo nga shooting incident sa Barangay Calaparan, Arevalo, Iloilo City.
Ang biktima sa pagpangluthang amu si Valerie Abantao, 41 kag residente sang amu nga lugar.
Sa interview ang Bombo Radypo kay Pol. Col. Batiles, iya ginpahayag nga matapos natabu ang shooting incident, wala sa gihapon sang naestablisar nga lead ang mga pulis nga posible magtudlo sa mga suspek.
Una na ginpahayag nga utang kag iligal nga droga ang duha sa ginalantaw nga motibo sa pagluthang patay sa biktima.
Sa subong suno kay Batiles, ginahulat na lang niya ang update sang station commander sang Arevalo angut sa mga ebidensya nga ila nakuha nga magamit agud matumod ang riding-in-tandem suspects.
