Ginpahangop sang Commission on Elections (Comelec) nga ang Department of the Interior and Local Government (DILG) ang may hurisdiksyon sa mga elected officials kag amo man nga ahensya ang dapat sundon pag-abot sa mga policies sa sini nga mga opisyal subong nga local and national elections.
Kasunod ini sang nangin paandam ni DILG Undersecretary for Barangay Affairs Martin Diño sa mga barangay officials ilabi na sa mga punong barangay batok sa pagpang-endorso sa mga kandidato sa May 9 nga eleksyon.
Sa interview sang Bombo Radyo kay Comelec Region VI Director Atty. Wilfred Jay Balisado, iya ginpahayag nga natapos na ang katungdanan sang Comelec sa mga barangay officials sang natapos na ang proclamation ukon na-eleher na sila sa posisyon.
Sang barangay elections, ginpasiguro sang Comelec nga indi mangin affiliated sa political parties ang mga barangay officials.
Subong nga nagahilapit na ang local kag national elections, ang DILG na suno kay Balisado ang may poder.
“If the DILG will tell us na bawal sila, then I think may proper basis ang DILG. Sa Comelec, we are only there until after the proclamation. After the proclamation, we have done our job. The DILG will now take over sa kanilang policies,” paathag ni Balisado. “Ang mag-govern talaga is the policy ng DILG.”
Una na nga ginpahayag ni Diño nga base sa pagsulundan, ang lamang ginatugutan nga maka-endorso sa kandidato sa eleksyon amo ang Presidente, bise-presidente, mga senador, congressmen, mayors, kag vice-mayors.
Gin-remind man sini ang barangay officials nga magpabilin nga apolitical bangud wala sila sang prerogative nga mag-endorso sang political bets — nga mandated suno sa iya sa Omnibus Election Code. ##
11
