Pahanugutan sa gihapon ang mga first provincial jeepneys nga magbyahe sa ila ruta sa Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga dumili-an lang ang provincial jeepneys sa pagpick-up sang mga pasahero sa sulod sang syudad.
Ang matabo diri, kun halin sa isa ka banwa ang jeep, masulod ini sa syudad padulong sa iya rota kag balik pagwa sa ila banwa nga wala sang napick-up nga pasahero sa area sang Iloilo City.
Sa subong suno sa alkalde, ginadihon pa sang provincial government ang ila kaugalingon nga Local Public Transport Route Plan (LPTRP).
Suno sa natungdan, ang mga jeep lang sa syudad ang nag-apply sang prangkisa agud nga magbyahe sa sulod sang Iloilo City.
Ang franchise lang sang provincial jeepneys amu ang point to point route pabalik sa ila munisipalidad.
Wala man suno sa alkalde sang dako nga pagbag-o sa byahe sang provincial jeepneys apisar nga na-aprubahan na ang LPTRP sang Iloilo City.
