Nagpanawagan si Ukrainian President Volodymyr Zelensky pinaagi sa iya virtual address sa Canadian parliament nga siraduhon na ang air space sa Ukraine kag mag-pataw sang mas mabaskog pa nga sanctions batok sa Russia kag Russian officials.
Nakabaton man si Zelensky sang madugay nga standing ovation nagikan sa Canadian lawmakers bangud man sa iya kaisug sa tunga sang nagapadayon nga pagpang-atake sang Russia.
Nahibaluan nga ang Canada ang nagpataw sang bag-o nga restrictions sa 15 ka Russian officials nga kilala nga amo ang nagasuporta sa Russian invasion.
Nagpataw man sang sanctons ang Russia batok sa kay US President Joe Biden, sa iya anak nga si Hunter, pila ka US officials kag iban pa nga associated individuals.
Gin-ban man sang Russia nga magsulod sa ila pungsod sanday Canadian Prime Minister Justin Trudeau, Canadian Foreign Minister Mélanie Joly kag Canadian Defense Minister Anita Anand.
Samtang, target naman sang US ang 11 ka Russian military leaders nga amo ang ila gindagdagan sang panibag-o nga sanctions.
Nangin emosyonal naman si Ukrainian Presidente Zelensky sang giya ginlaragway ang sitwasyon subong sang Ukraine.
Suno sa iya, halos kada gab-i makabig nga “horrible” ang nagakatabo sa iya pungsod.
