Ginaduso sang Department of Finance (DOF) sa Bureau of Internal Revenue (BIR) nga kolektahon ang wala nabayaran nga ₱203 billion-estate taxes sang pamilya Marcos.
Suno kay Finance Asec. Paola Alvarez, ang unpaid estate-tax sang mga Marcos ang makabulig generate sa revenue sang gobyerno agud nga magsuporta sa mga apektado sang padayon nga pagsaka sa presyo sang gatong kag pagtaas sa balor sang iban pa nga nagapanguna nga balaklon.
Nauna na nga ginkumpirmar sang BIR nga ang Partido Aksyon Demokratiko ang nagsulat sang demand letter sang Disyembre 2021 nga nagasugo sa Marcoses nga magbayad sang ila estate taxes.
Apang, nagapati naman si Presidential candidate Ferdinand “Bongbong” Marcos Jr. nga madamo sang ‘fake news’ nga nalakip sa ila unpaid estate taxes apisar sang 1997 Supreme Court ruling nga kinahanglan nila i-settle ang ila liabilities nga nagabalor sang ₱23 billion sang 1997.
Base sa estate tax definition sang BIR, ang mga manugpanubli sang diktador nga si Ferdinand Marcos nga amo ang iya asawa nga si Imelda, kag mga kabataan sini nga sanday Imee, Bongbong kag Irene, ang obligado nga magbayad sang estate tax.
