Plano sang Commission on Elections (Comelec) nga magbutang sang isolation polling places para sa mga botante nga magpakita sang sintomas sang Covid-19 sa adlaw sang eleksyon.
Suno kay Commissioner Aimee Torrefranca-Neri, lakip ini sa mga tikang nga ginakonsiderar sang Comelec agud masigurado nga safe ang pagboto sa tunga sang Covid-19 pandemic.
Ang isolation polling place (IPP) ang gamiton suno kay Neri kun magsaka ang body temperature sang botante.
Panigurado ini nga makaboto gihapon ang tawo bisan pa may ginabatyag sa lawas.
Ginapahayag nga plano man sang Comelec nga magtukod sang medical advisory board agud maghatag sang dugang nga suporta sa pag-check liwat sang COVID-related guidelines kag pag-develop sang timely response.
Magapares man ang Comelec sa health and medical groups agud may mabutang nga medical desks nga maka-responde sa health related issues sang voters, ilabi na ang mga nalakip sa vulnerable nga grupo. ##
