ILOILO CITY – Nagpahanumdom ang isa ka political law professor sa tanan nga empleyado sang gobyerno, regular man ukon indi kag sa tanan nga barangay officials nga likawan ang electioneering kag partisan political activities.
Ang electioneering amo ang akto nga naga-promote agud nga magdaog ukon mapyerdi ang isa ka kandidato ukon partylist para sa isa ka public office.
Sa interview sang Bombo Radyo kay Atty. Joenar Pueblo, Bombo abogado, iya ginpahayag nga base sa joint circular no. 0001 series of 2016 sang Commission on Elections (COMELEC) kag Civil Service Commission (CSC), ginadumulian ang tanan nga mga empleyado sang gobyerno nga magpasakop sa tanan nga sahi sang political activities sa tion sang eleksyon.
Ginklaro man ni Pueblo nga ang mga barangay official kag mga barangay staff ang indi exempted sa amo nga joint circular kag mangin ang katapo sang Philippine Army kag sang Philippine National Police (PNP).
Ang empleyado naman nga on-leave ang sa gihapon sakop sang amo nga prohibition.
Suno kay Pueblo, ang empleyado nga mapamatbatan nga guilty sa pagpartisipar sa electioneering ang may yara sang penalidad nga isa ka bulan kag isa ka adlaw tubtob anum ka bulan nga suspension sa una nga offense; dismissal sa serbisyo sa ikaduha nga offense kag penalidad nga isa ka bulan kag Administrative Cases sa Civil Service ukon 2017 Rules on Administrative Cases in the Civil Service.
