ILOILO CITY- Istrikto ang ipatuman nga pagsulundan para sa mga delegates sa 31st Southeast Asian Games sa Hanoi, Vietnam.
Suno kay Bombo International Correspondent Jennifer Salvador direkta sa Vietnam, base sa guidelines sang Health Ministry, ang mga sports officials, referees, kag athletes ang nagakadapat nga magpakita sang certified negative RT-PCR test results sa sulod sang 72 oras ukon rapid antigen testing sa sulod sang 24 oras antes makasulod sa Vietnam apang indi required nga mag- quarantine.
Ang mga coaches kag athletes naman ang kinahanglan nga magpaidalom sa COVID-19 rapid tests 24 oras antes ang kada kompetisyon.
Ang guidelines nagalista man sang COVID- 19 control measures nga ipatuman sa accommodation facilities para sa mga guests kag athletes, pag- set up sang testing areas kag teams nga nagahatag sang medical kag food safety services.
Ang quarantine kag treatment rooms ang i- arrange man para sa COVID-19 patients nga wala sang sintomas ukon may mild symptoms.
Ang mga atleta ang mahimo naman magbyahe sa closed routes sa tunga sang ila accommodation, training kag competition venues.
Ang stadium nga maga-host sang opening kag closing ceremonies ang iga-disinfect antes ang mga events, samtang may medical teams nga naka- standby agud maghatag sang emergency aid kag COVID-19 tests sa mga suspected nga infected sang virus.
Ang hampang ang patigayunon nga wala sang tumalan-aw ukon may limitado lang nga numero sang tumalan-aw depende sa COVID- 19 situation.
Kun may ma-detect nga COVID-19 virus,ang pasyente ang i- quarantine sa ila accommodation ukon dal-on sa medical centres depende sa ila kondisyon.
Ang 31st SEA Games ang hiwaton sa Hanoi kag 11 ka neighbouring localities sa northern region humalin Mayo 12 tubtob 23.
Ini maga-feature sang 40 ka sports nga may 526 events kag pasakupan sang 10,000 participants.
