Gina-aprubahan ni Iloilo City Mayor Jerry Treñas ang tanan nga application para sa pagbalik sang face-to-face classes sa mga eskwelahan sa syudad sang Iloilo.
Mismo ang alkalde ang nagpahayag nga nakit-an niya nga indi epektibo ang flexible learning modes nga gingamit na sa duha ka tuig bangud sa Covid-19 pandemic.
Sa interview sang Bombo Radyo kay Treñas, iya ginpahayag nga gin-aprubahan man niya ang libre nga RT-PCR test sa mga estudyante sa medical schools.
Pahanugutan man sang alkalde nga makabalik sa klase pati ang mga manunudlo nga wala pa nakapabakuna, apang pahayag sini, ‘ipa-ulihi lang sa pag-atubang sa iban nga mga estudyante’ agud mas safe para sa ila.
Ginapahayag nga sa subong, may yara na sang apat ka pribado nga eskwelahan kag walo ka pampubliko nga eskwelahan sa syudad sang Iloilo ang nakabaton sang approval halin sa alkalde.
