ILOILO CITY – Wala sang epekto sa kaso ni Senator Leila de Lima ang pagbawi sang akusasyon sang self-confessed drug lord nga si Kerwin Espinosa batuk sa iya.
Suno kay Prosecutor General Benedicto Malcontento, indi witness si Espinosa sa kaso batuk kay De Lima..
Bangud sini, indi maka-apekto sa dalagan sang kaso ni De Lima ang nangin akto ni Espinosa.
Madumduman nga kahapon, pinaagi sa isa ka counter-affidavit ni Espinosa sa Department of Justice (DOJ), ginpahayag niya nga ang tanan nga ginhambal niya sa Senate joint committee hearing sa pagkapatay sang iya amay nga si Mayor Rolando Espinosa Sr. batuk kay De Lima ang indi matuod.
Suno kay Espinosa, siya ang ginpilit kag ginpahog lamang sang mga kapulisan agud nga madalahig ang pangalan sang senador.
