Ginplastar sang Department of Education (DepEd) ang guidelines sa pagpatigayon sang graduation rites sa basic education subong nga tuig.
Halin sang nagsulod ang Covid-19 pandemic, ini ang una nga tion nga pahanugutan ang face-to-face ceremonies sa bilog nga pungsod.
Sa mga lugar nga naka-alert level 1 kaangay sa syudad kag probinsya sang Iloilo, pwede gid ang face-to-face graduation rites nga may limited attendance ukon ang ginatawag nga “hybrid ceremony” nga naga-involve sang live-streaming.
Sa interview sang Bombo Radyo kay Hernani Escullar, Jr., spokesperson sang DepEd Region VI, iya ginpahayag nga dapat magkonsulta ang eskwelahan sa local government kag sa mga ginikanan may kaangtanan sa conduct sang graduation ceremonies.
Kinahanglan nga may yara sang parental consent para sa bata nga magtambong sa amo nga seremonya.
Yari ang dugang nga pagsulundan:
- Dapat nga isuksuk ang mask sa tanan nga tion
- Dapat nga may isa ka metro nga distansya sa tunga sang mga indibidwal
- Dapat magpungko ang participant sa pulungkuan nga assigned lang sa iya
- Wala gina-engganyo ang pagpangamusta ukon anuman nga sahi sang physical contact
- Kag… Ang ginikanan ukon ang guardian lang amo ang ginapahanugutan nga magsunod sa mover ukon sa candidate for graduation.
Sa Hunyo 24 natalana nga magatakop ang school year 2021-2022.
Ang graduation rites ang posible matabo halin Hunyo 27 tubtub Hulyo 2.
