ILOILO CITY- Nagpahanumdom ang Commission on Elections (COMELEC) sa tanan nga mga kandidato,napierde man ukon nagdaug, nga tubtob sa Hunyo 8 na lang ang pag-file sang Statement of Contribution and Expenditures (SOCE).
Sa interview sang Bombo Radyo kay Mr. Jonathan Sayno, election assistant II sang Iloilo City COMELEC Office, iya ginpahayag kinahanglan ang pag-file sang SOCE agud mahibaluan sang COMELEC ang gasto sang kandidato sa kampanya kag ma-check kun wala ini naglapaw sa limit nga gin-set sang poll body.
Santo sa guideline sang COMELEC, ang mga local candidates nga may yara sang political party ang tugutan lang nga maggasto sang kantidad nga P3.00 kada botante, samtang P5.00 naman sa mga independent candidate.
Matumod ang spending limit paagi sa pagmultiply sang nasambit nga amount sa numero sang registered voters.
Kun maglapaw ang gasto sang kandidato sa nagakadapat nga spending limit, mahimo ini magpangatubang sang nagakaigo nga kaso.
Kun mapaslawan naman nga mag-file sang SOCE, sila ang mahimo nga dagdagan sang perpetual disqualification nga mag-uyat sang public office.
