ILOILO CITY – Gin-ako ni presumptive vice president Sara Duterte nga may nabatyagan siya nga pressure pagkatapos nga nagdaog sa eleksyon nga may yara sang tuman ka dako nga abanse sa iya closest rival.
Ini ang ginpahayag ni Duterte sa atubang sang mga newly elected officials sa Malita, Davao Occidental kun sa diin, ginpahayag man niya nga nakibot siya sang suporta sang botante sang Pilipinas.
Suno kay Sara, kun magdaog ang isa ka kandidato sa tuman ka dako nga abanse, ginalauman sang tawo nga makita ang pagbag-o kag mas mabaskog kag maayo nga pungsod.
Nahibaluan nga nakabaton sang mataas nga numero sang boto ang leading vice-presidential bet sa mga rehiyon sa gwa sang Mindanao kag mangin sa mga probinsya nga wala nadag-an sang iya amay sang 2016 elections.
Nagalaum naman ini nga excited na siya nga makatrabaho ang mga manunudlo bilang masunod nga education secretary.
Suno sa iya, madamo sang dapat nga ulubrahon sa education sector sang pungsod lakip na ang pagplano kag pagpatuman sang K-12 program.
