ILOILO CITY – Nagdugang pagid ang espekulasyon sang publiko sa matuod nga status sang relasyon sang bag-o nga screen couple nga sanday Belle Mariano kag Donny Pangilinan bangud sang sweet moments sang duha sa ginpatigayon nga All-Star Games dugangan pa sang pagsuksok sang aktres sang high school jersey ni Donnny.
Si Belle ang music sang team ni Donny sa basketball game.
Suksok ni Belle ang blue jersey nga amo ang color sang ila team kag nag-ilis sang maroon nga jersey nga may pangalan sang eskwelahan sang aktor sa atubang kag Pangilinan sa likod nga may numero nga 15 nga amo ang jersey number ni Donnie.
Sa kabug-usan sang hampang, game na game si Belle sa pag-cheer sa iya screen partner.
Sang ginpamangkot si Belle kun ngaa nga suksok niya ang jersey ni Donny, ginsabat sini nga nahibaluan na sang tanan kun sin-o ang iya nga MVP.
Dugang pa niya, ang energy niya sa bug-os nga hampang ang ginkuha niya kay Donny.
Ginpakigbahin naman ni Donny sa iya Instagram account ang sweet pictures nila ni Belle sa sulod sang court nga may caption nga: “Best cheerleader, thank you.”
Ginsabat man ini ni Belle nga “You were so good!”
Sa IG post ni Belle, ginpahayag niya nga proud ini sa aktor.
Ang sweetness sang duha ang ginakabig sang fans nga nagadalom na ang real life-relationship sang duha.
