Nag-appoint ang North Korea sang labing-una nga babayi nga foreign minister.
Ini amo ang veteran diplomat nga si Choe Son-hui nga nakapangalagad na anay bilang vice foreign minister.
Ginbuslan sini si Ri Son Gwon, isa ka hardline former military official nga amo anay ang nagpanguna agud nga makaistoryahanay ang North kag South Korea.
Si Choe ang makabig isa ka career diplomat nga maka-communicate sang fluent English. Nagserbe man ini bilang close aide ni North Korean leader Kim Jung On ilabi na sang tion nga may nuclear talks sa United States. Ginaupdan sini ang North Korean leader sa summits upod kay former US president Donald Trump.
Nahibaluan nga subong nga tuig, makapila ka beses nga nagpatigayon ang North Korea sang weapon tests, lakip na ang pagpalupad sang intercontinental ballistic missile sa full range sa labing-una nga tion halin sang 2017.
Una na nga nagpaandam ang US kag South Korean officials nga posible nga naga-preparar ang North sang ika-pito nga nuclear test — isa ka tikang nga suno sa Estados Unidos, posible nagakinahanglan sang “madasig kag mapag-on” nga balos.
