Nalumos ang kapin 16,000 ka mga karnero matapos nga naglugdang ang ginkargahan nga barko sa Red Sea sa Sudan.
15,800 ka mga karnero ang nakarga sa amo nga livestock vessel kag natalana kuntani nga i-export ang mga sapat halin sa Sudan pa-Saudi Arabia.
Ginapahayag nga na-overload ang vessel bangud nga 9,000 lang kuntani ka mga karnero ang masarangan sini nga ikarga.
Na-rescue naman ang tanan nga crew sa amo nga vessel.
Kasunod sini, ginakahangaw-an ang matuga nga economic kag environmental impact sang amo nga insidente. Ginakahangaw-an nga makaapekto sa operasyon sang puerto ang paglugdang sang barko samtang malain naman ang mangin epekto sini sa dagat bangud linibo ka sapat ang napatay.
Sa 15,800 ka mga karnero, 700 lang ang nasalbar apang lunsay na maluya kag wala na ginalauman nga mabuhi pa sang malawig.
Yara sa 14 million Saudi riyals ang balor sang nahalitan nga livestock ukon katumbas sang masobra P199 million.
Ginaimbestigaran na subong sang tul-id ang amo nga insidente.
