ILOILO CITY- Nagpasar ang parliament sang Japan sang legislation nga nagaduso nga sa paghimo sang online insults ukon cyber-bullying bilang krimen nga may sentensya nga pagkapreso.
Ini sa tunga sang panawagan sang publiko tuhoy sa natabo sa isa ka reality television star nga nakaeksperyensiya sang social media abuse nga nagtulod sa iya agud magpanginmatay.
Sa idalom sang amendment sa penal code sang Japan,ang offenders nga convicted sang online insults ang mahimo mapreso sang tubtob isa ka tuig ukon multa nga 300,000 yen (malapit sa $2,200).
Ini ang mas mabug-at sa existing punishments of detention nga mas manubo sa 30 ka adlaw kag multa nga tubtob sa 10,000 yen ($75).
Apisar madamo sang nagapamatok sa amo nga legislation, mas mapag-on ang pwersa sang mga nagasuporta sini ilabi na ang nagapamatok sa cyberbullying kag online harassment.
Napasar ini matapos nga gindugang ang isa ka probisyon nga nagamando sa amo nga hagna nga i-examine ini tatlo ka tuig pagkatapos nga ipatuman ini agud takson kun ano ang impact sini sa kahilwayan sa pagpalayag.
Nahibaluan nga sang 2020, nagpanginmatay ang professional wrestler kag reality television star nga si Hana Kimura nga kilala man sa iya Netflix show nga “Terrace House bangud sa online abuse sang mga tawo nga nag-insulto sa iya.
