ILOILO CITY- Nakapauli na sa Pilipinas ang apat sa lima ka mga Overseas Filipino Workers(OFW) nga una na nga nagpangayo sang bulig matapos nga nakaeksperyensiya sang pagpang-abuso sa kamot sang ila employment agency.
Matandaan nga sa isa ka video nga na-post online, makit-an nga yara sa isa ka kwarto ang lima kag gin-alegar nga gin-kandadohan sila sang ila employment agency kag ginkuha ang tanan nila nga contact sa ila pamilya kag ginasakit pa ang mga ini.
Suno kay Bombo International Correspondent Oliver Diong,chairman sang Coalition of Filipino Community in Kuwait,
yara na sa custody sang Philippine Overseas Labor Office (POLO) sa Kuwait ang isa pa ka OFW apang wala pa mapat-ud kun san- o ini makapauli.
Ginpahayag man ni Diong nga wala nagapabaya ang POLO sa paghatag importansiya sa mga OFW nga nagakinahanglan sang bulig ilabi na ang nagapalagyo sa ila mga mapintas nga employers.
