Ginpaulanan sang Russia sang missile ang Kyiv, kapital nga syudad sang Ukraine, kadungan sang pagtipon sang mga lider sang G7 nations sa Germany para sa una nga adlaw sang tuigan nga pagsinapol.
Isa ka tawo ang patay kag anum ang pilason sang gin-igu sang Russian missile sa residential apartment block sa amo nga syudad.
Ang iban sa mga pilason ang gindala na sa ospital, samtang padayon man subong ang search and rescue operations.
Naigu man sang atake ang isa ka kindergarten apang wala sang gin-report nga napilasan.
Suno kay Ukrainian air force spokesman Yurii Ihnat, naggamit ang Russia sang “strategic bombers” agud iguon ang Kyiv sang “four to six missiles” nga ila ginpalupad.
Sang weekend, ginapahayag naggamit ang Russia san Tu22M3 long-range bombers halin sa airspace sang Belarus.
