ILOILO CITY – Gintipon ni President Ferdinand R. Marcos Jr. ang mga newly elected governors kag city mayors sa bilog nga pungsod agud nga hambalan ang Booster Campaign Rollout sang gobyerno kag ang mga plano sa pagbalik sang Face-to-Face Classes.
Ini ang ginpatigayon sa Rizal Hall sa palasyo sang Malacañang kagab-i.
Pila sa mga highlight sang event amo ang opening remarks kag briefing presentation nagikan kay Department of the Interior and Local Government (DILG) Secretary Benjamin Abalos Jr. sa ‘Local Government Unit (LGU) Efforts on Booster Administration’.
Nag-present man si Vice President kag Department of Education (DepEd) Secretary Sara Duterte sang plano nga pagbalik sang face-to-face classes.
Samtang, ginpresentar man sang Department of Health (DOH) ang ila nga plano sa ‘Vaccination Mobilization’ pinaagi kay Undersecretary Maria Rosario Vergeire.
Nag-deliver man sang mensahe ang presidente apang virtual lamang bangud nga ginpaidalom ini sa isolation matapos nga nagpositibo sa antigen COVID-19 test.
Samtang, nagtambong sanday Iloilo City Mayor Jerry Treñas kag Passi City Mayor Stephen Palmares upod si Guimaras Governor Rahman Nava sa amo nga pagtililipon.
