ILOILO CITY- Patay na sang nasapwan ang isa ka lalaki sa Barangay Magdalo, Banate, Iloilo.
Ang biktima ang ginapahayag naga edad sang 20-30 anyos kag hublas sang ini ang nakit-an.
Sa interview sang Bombo Radyo kay PLt. Renzo Martinez, chief of police sang Banate Municipal Police Station (MPS), iya ginpahayag nga may yara sang pilas sa ulo ang lalaki apang indi pa mahibaluan kun tuga ini sang paglampus ukon pagpangluthang.
Ginapatihan nga biktima ini sang summary execution.
Padayon pa ang imbestigasyon sang mga pulis.
