ILOILO CITY- Nagpaathag ang Department of Social Welfare and Development (DSWD) Region 6 may kaangtanan sa Commission on Audit (COA) Report 2021 sa diin isa sa findings amo ang P30.7 million nga excess emergency cash subsidy sa mga benepisyaryo sang Pantawid Pamilyang Pilipino Program (4PS).
Sa interview sang Bombo Radyo kay Atty. May Castillo, spokesperson sang DSWD Region 6, iya ginpahayag nga may natabo nga duplication sang pag-release sang cash assistance- isa ang paagi sa Local Government Unit (LGU) kag ang isa ang paagi sa cash cards.
Suno kay Castillo, on-going na subong ang pag-recover sang nasambit nga excess cash subsidy paagi sa pagbuhin sini sa bulanan nga cash grant sang mga 4PS beneficiaries.
Sakop sini ang 4678 nga benepisyaryo.
Dugang pa ni Castillo, ang pag-release sang excess nga cash subsidy ang natabo kadungan sang pagpanagtag sang emergency subsidy sa mga 4PS beneficiaries sa idalom sang Social Amelioration Program (SAP) Bayanihan Fund: Tulong Laban sa Covid-19.
