Ginapangita pa sa gihapon ang siyam ka tawo nga na-missing matapos naglugdang ang barko sa eastern province sang North Maluku, Indonesia.
77 ka mga tawo ang sakay sang amo nga passenger ship apang 64 lang ang una nga na-rescue.
May nagdugang nga apat kahapon nga adlaw apang lunsay na mga patay.
Suno kay Bombo International Correspondent Gina Vella Cumla direkta sa Jakarta, Indonesia, nagaupod ang local disaster management agency, soldiers, policemen kag volunteers sa search and rescue operation.
May mga local villagers man nga nagbulig agud nga mapadasig ang operation.
Suno kay Cumla, gamay lang nga barko ang ginasakyan sang mga pasahero kag madasig nga naglugdang bangud sa malain nga tyempo.
Komon ang marine accidents sa Indonesia kag nagasalig ang mga tawo sa ferries kag magagmay nga baroto agud nga magbyahe bisan pa nga may talalupangdon nga pigado nga safety standards. ##
